काठमाडौं – भारतीय मोडल तथा अभिनेतृ उर्भशी रौटेलाको अभिनय रहेको फिल्म ‘डाकु महाराज’ गत जनावरीमा प्रदर्शनमा आयो ।

फेब्रुअरी २१ बाट यो फिल्म ओटीटी प्लाटफर्ममा सार्वजनिक भएको छ । यो फिल्मलाई लिएर उर्भशी चर्चामा छिन् ।

केही समयअघि फिल्ममा सानो भूमिका निर्वाह गरेका कारण सामाजिक सञ्जालमा उनको ट्रोल भएको थियो ।

अहिले उनको पारिश्रमिकलाई लिएर चर्चा भएको छ । उनको पारिश्रमिकको चर्चा भारतका विभिन्न मिडियाले गरेका छन् ।

फिल्ममा उनको स्क्रिन टाइम तीन मिनेट मात्रै छ । अर्थात् पूरा फिल्ममा उर्भशीलाई तीन मिनेट मात्रै देख्न पाइन्छ ।

भारतीय मिडियामा भएको चर्चा अनुसार उनले यस फिल्मका लागि ३ करोडको भारु पारिश्रमिक बुझेकी छन् । अर्थात् उनले एक मिनेटका लागि १ करोड पारिश्रमिक लिएकी हुन् ।

भारतीय मिडिया ईटी नाउले उनका उक्त मोटो रोक पारिश्रमिक बुझेको दाबी गरेको हो । उर्भशी र फिल्म निर्माण पक्षले भने यसबारेमा आधिकारिक रुपमा बोलका छैनन् ।