काठमाडौं– पोखरा विश्वविद्यालयले २०औँ दीक्षान्त समारोह हिजो पोखरा विश्वविद्यालयस्थित ढुंगेपाटन, कास्कीमा सम्पन्न गरेको छ ।
शिक्षाविद् जोर्ज जोनको प्रमुख आतिथ्यतामा सम्पन्न उक्त दीक्षान्त समारोहको अध्यक्षता प्रधानमन्त्री एवं पोखरा विश्वविद्यालयका कुलपति के.पी. शर्मा ओलीले गरेका थिए ।
उक्त दीक्षान्त समारोहमा ७,८७२ विद्यार्थी दीक्षित भएका छन् भने ३० जना विद्यार्थीलाई विशिष्ट स्वर्ण पदक र ७४५ विद्यार्थीलाई डिन लिस्टको उपाधिबाट सम्मानित गरिएको छ ।
उक्त अवसरमा काठमाडौंको नयाँ बानेश्वरमा अवस्थित युनिग्लोब कलेजका १४ जना विद्यार्थीहरूले ४.०० जिपिएसहित स्वर्ण पदक प्राप्त गरेका थिए ।
जसमा बिराट गौतम, झरना रेग्मी, जोशिला दाहाल, रमन सिलवाल, श्रुति आचार्य, आकृति देवकोटा, आस्तिका महतो, निशा खड्का, नितिशा गौतम, रश्मी पौड्याल, अपसरा ईमाम, अकलेश कुमार मिश्र, कौशिकी पन्त र मनिषा कुमारी कार्की रहेका छन् ।
साथै युनिग्लोब कलेजका ४८ जना विद्यार्थीहरूले डिन लिस्टको स्थान हासिल गर्न सफल भएका छन् ।
यसअघि पनि पोखरा विश्वविद्यालयको विभिन्न दीक्षान्त समारोहहरूमा युनिग्लोब कलेजका २१ जना विद्यार्थीहरूले स्वर्ण पदक प्राप्त गरिसकेका छन् ।
हालसम्म ३५ वटा स्वर्ण पदक प्राप्त गर्दै युनिग्लोब कलेज नेपालमा पोखरा विश्वविद्यालय अन्तर्गत सबैभन्दा धेरै स्वर्ण पदक प्राप्त गर्ने उत्कृष्ट शैक्षिक संस्थाको रूपमा परिचित भएको छ ।
यूनिग्लोब कलेजका प्रबन्ध निर्देशक डा. गंगाधर दाहालले आगामी दिनहरूमा पनि उत्कृष्ट शिक्षा प्रदान गर्ने तथा विद्यार्थीहरूको शैक्षिक तथा व्यावसायिक सफलता सुनिश्चित गर्ने प्रतिबद्धता व्यक्त गरे ।
युनिग्लोव कलेजका प्राचार्य तथा अध्यक्ष डा. नर बहादुर बिष्टले यस वर्षको दीक्षान्त समारोहमा युनिग्लोब कलेजका विद्यार्थीहरूले प्राप्त गरेको उपलब्धि कलेजले शिक्षा क्षेत्रमा गरेको निरन्तर प्रयास र प्रगतिको प्रमाण हो भन्ने कुरा बताए र साथसाथै स्वर्ण पदक र डिन लिष्ट प्राप्त गर्ने विद्यार्थीहरूले आफ्नो मेहनत र लगनशीलताको परिचय दिएको कुरा व्यक्त गरे ।
उनले आफ्ना सम्पूर्ण दिक्षित विद्यार्थी, शिक्षक, अभिभावकहरु तथा प्रशासनिक कर्मचारीहरुलाई उक्त उपलब्धिमा योगदान पुर्याएकोमा धन्यवाद दिए ।
साथै उनले युनिग्लोब कलेजका शैक्षिक निर्देशक प्रा.डा. राधे श्याम प्रधानको मार्ग निर्देशनमा उक्त कलेजले उल्लेखनीय सफलता हासिल गरेको र उनको नेतृत्व र शैक्षिक क्षेत्रप्रतिको लगाव र समर्पणले विद्यार्थीको शैक्षिक क्षमतालाई विकास गर्न महत्त्वपूर्ण भूमिका निभाएको कुरा पनि बताए ।
सन् २०१८, २०१९ र २०२२ मा सर्वोत्कृष्ट बिजनेस कलेज अवार्डहरूबाट समेत सम्मानित उक्त कलेजले हालसम्म १३ वटा अन्तर्राष्ट्रिय सम्मेलनहरू सफलतापूर्वक आयोजना गरिसकेको छ ।
उक्त कलेजका ४५० भन्दा बढी विद्यार्थीहरूले ६० भन्दा बढी विभिन्न देशमा हुने अन्तर्राष्ट्रिय सम्मेलन र तालिममा भाग लिइसकेका छन् ।
यसका अतिरिक्त युनिग्लोब कलेजले चार वटा त्रैमासिक अनुसन्धानमूलक जर्नलहरूको प्रकाशन गर्दै विद्यार्थीहरूको अनुसन्धानमूलक कार्यलाई अन्तर्राष्ट्रिय स्तरमा परिचित गर्न सफल भएको छ ।
प्रतिक्रिया