काठमाडौँ– भदौ २३ र २४ गतेको जेनजी आन्दोलनका घटना जाँचबुझ गर्न बनेको उच्चस्तरीय आयोगले मुख्यसचिव एकनारायण अर्यालसँग बयान लिएको छ।

बिहीबार दिउँसो सिंहदरबारस्थित आयोगको कार्यालयमा अर्याललाई बोलाएर सोधपुछ गरिएको आयोगका प्रवक्ता एर्व पूर्व एआईजी विज्ञानराज शर्माले जानकारी दिए।

‘हामीले उहाँसँग त्यसबेलाका विषयमा कुरा बुझ्यौँ। उहाँले आफ्नो कुरा भनेर जानुभयो’ शर्माले भने।

बयानमा उनले भदौ २४ गते आफू तत्कालीन प्रधानमन्त्री केपी शर्मा ओलीसँगै रहेको बताएका छन्। जेनजी आन्दोलन उग्र बन्दा आफूले ओलीलाई बचाउन भूमिका खेलेका पनि बताएका थिए।

गौरीबहादुर कार्की नेतृत्वको आयोगले प्रदर्शनको पहिलो दिन किशोरहरूको ज्यान जाने गरी गोली चलाउने काम कानुन सम्मत भए नभएको र २४ गतेको विध्वंसबारे जाँचबुझ गर्नेछ। असोज ९ बाट काम सुरु गरेको आयोगले तीन महिनाभित्र प्रतिवेदन पेस गर्नुपर्ने छ।