काठमाडौं – नेपाल प्रिमियर लिग (एनपीएल) अन्तर्गत बिहीबारको खेलमा चितवन राइनोजका बलर रिजन ढकालको शिकार बनेर लुम्बिनी लायन्सका दुवै ओपनर आउट भएका छन् ।

पहिलो विकेटका रुपमा रिजनले डी’आर्सी सर्टलाई सस्तैमा आउट गरेका थिए । सर्ट दोस्रो ओभरको अन्तिम बलमा आउट भएका थिए । उनले ६ बलको सामना गरी एक चौका र एक छक्काको सहयोगमा ११ रन जाडे ।

दोस्रो विकेटका रुपमा पाँच ओभरको चौथो बलमा लुम्बिनीका अर्का ओपनर सन्दीप जोरा पनि आउट भए । सन्दीपलाई रिजनले कप्तान कुशल मल्लमार्फत् क्याच आउट गराएका हुन् ।

सन्दीपले १८ बलमा चार चौकाको सहयोगमा २८ रन जोडे । चितवनलाई जित सुनिश्चित गर्न विकेटको खाँचो छ । कीर्तिपुरस्थित त्रिवि अन्तर्राष्ट्रिय क्रिकेट रंगशालामा टस जितेर १४३ रनको लक्ष्य पछ्याउँदै अहिले चितवन राइनोजविरुद्ध जवाफी ब्याटिङ गरिरहेको छ ।

दुई ओपनर आउट हुँदासम्म लुम्बिनीले ५१ रन बनाएको छ ।