ललितपुर– ललितपुरको ग्वार्कोमा निर्माण भएको ओभरपास शुक्रबार प्रधानमन्त्री केपी ओली र उपत्यका ट्राफिक प्रहरी प्रमुख नवराज अधिकारीले उद्घाटन गरेका छन् ।
दुई वर्षभित्र निर्माण काम सम्पन्न गर्नु पर्ने ओभरपास ३९ महिनामा तयार भएको हो । पटक पटक म्याद थप र डिजाइन नै परिवर्तन गरी बल्ल उत्घाटन गरिएको हो ।
शुक्रबार अपरान्ह ४ बजे आयोजना गरिएको उद्घाटन कार्यक्रमले ओभरपासमै चर्को जाम भएको छ । सडकमा सवारी चाप बढ्ने समयमा उद्घाटन गरिँदा सधैँझैँ ग्वार्को चोकमा जाम परेको हो ।
ओभरपासकै बीच भागमा औपचारिक कार्यक्रम आयोजना गरेकाले पनि दायाँ बायाँ सडकमा सवारी जाम देखिएको हो ।
तस्बिरहरू : नेपाल फोटो लाइब्रेरी
प्रतिक्रिया