गाजा – इरान र इजरायल युद्ध भइरहेको समयमा फेरि गाजामा दुःखद घटना भएको छ। केन्द्रीय गाजामा राहत लिन बसेकामाथि भएको इजरायली आक्रमणमा १२ जनाको ज्यान गएको हो।

बिहीबार अमेरिका र इजरायलले सञ्चालन गरेको गाजा ह्युमनेटेरियन फाउन्डेसन (जिएचएफ)ले राहत वितरण गरिरहेको समयमा सो आक्रमण भएको हो।

गत मे महिनादेखि जिएचएफले संयुक्त राष्ट्र सङ्घलाई बाइपास गर्दै राहत वितरण गर्न सुरु गरेपछि अहिलेसम्म त्यहाँ सयौँको ज्यान गइसकेको छ।

पछिल्लो समय ज्यान गुमाउने हमास केन्द्रित भन्दा बढी राहत सङ्कलन गर्न जाने छन्। बिहीबार हजारौँ जना लाइन लागि रहेको समयमा नात्जरिम कोरिडोरमा सो आक्रमण भएको हो। स्थानीय प्रत्यक्षदर्शीले जनाए अनुसार रातभर हजारौँ जना लाइन बसेका थिए।

११ साता राहत वितरण कार्यपूर्ण रूपमा बन्द भएपछि त्यहाँ भोकमरीले असह्य अवस्था सिर्जना गरेको थियो।