काठमाडौं– अस्ट्रियाका हवाइ युद्ध विश्लेषक एवम् सैन्य इतिहासकार टम कुपरले भारतले सञ्चालन गरेको ‘अपरेशन सिन्दुर’ मा भारतको जीत भएको बताएका छन् । आफ्नो ब्लगमा युद्ध विश्लेषक कुपरले यसलाई भारतको स्पष्ट जित भएको बताएका हुन् ।

उनले ब्लगमा लेखेका छन्, ‘यस घटनामा भारतको स्पष्ट जित भएको छ । अचम्म, मान्नै पर्दैन इस्लामावादले युद्धविरामको आह्वान गर्‍यो ।’

भारत र पाकिस्तानबीच युद्धविराम भएपछि कुपरको यस्तो भनाइ आएको हो । ‘जब एउटा पक्षले अर्को पक्षको आणविक हतियार भण्डारण क्षेत्रमा बम आक्रमण गर्छ, र अर्कोको प्रतिकार गर्ने क्षमता नै बाँकी रहन्न, मेरो विचारमा त्यो स्पष्ट जित हो ।’ उनले लेखेका छन् ।

अपरेशन सिन्दुरका क्रममा भारतले पाकिस्तानको नूर खान हवाइ अड्डामा आक्रमण गरेपछि पाकिस्तानी पक्षले अमेरिकासँग युद्धविरामका लागि आग्रह गरेको विश्वास गरिन्छ । उक्त हवाइ अड्डामा पाकिस्तानको आणविक हतियार रहेको आशंका गरिन्छ ।