काठमाडौं- हिउँदै वर्षात् हुन नसक्दा देशभरका जंगलमा डढेलेको डर बढेको छ । मनाङ र सिन्धुपाल्चोकसहितका जिल्लाको विशाल जंगल डढेलो खाइसकेको छ ।

देशका अन्य भागमा पनि डढेलोको चपेटमा जंगल परिरहेका छन् । फागुन लागिसक्दा पनि हिउँदे वर्षात् नहुँदा बढेको सुख्खापनले डढेलको चिन्ता बढाएको हो ।

काठमाडौंकै नजिकको हात्तीवनमा पनि बुधबारदेखि डढेलो फैलियो । दक्षिणकाली नगरपालिका वडा नं. ४ स्थित हात्तीवन क्षेत्रमा बुधबार साँझबाट डढेलो सल्किएको छ।

उक्त डढेलो निभाउने प्रयासमा सुरक्षाकर्मी जुटेका छन् । हात्तीवनमा लागेको डढेलो नियन्त्रणको प्रयासमा इलाका प्रहरी कार्यालय फर्पिङको टोली र दक्षिणकाली नगरपालिकाका नगरप्रहरीहरू परिचालित भएका छन् । अहिले त्यहाँको ठूलो वनक्षेत्रमा डढेलो फैलिएको छ।

तस्बिरहरू – नेपाल फोटो लाइब्रेरी