काठमाडौं- नेकपा एमालेको एघारौँ महाधिवेशनबाट निर्वाचित केन्द्रीय कमिटीको पहिलो बैठक शुक्रबार बस्दैछ ।
दिउँसो १ बजे बस्ने गरी बोलाइएको बैठक २ बजेलाई सारिए पनि पौन ३ हुन लाग्दासमेत सुरू हुन सकेको छैन ।
नवनिर्वाचित केन्द्रीय कमिटीको पहिलो बैठक कार्की ब्याङ्केट बबरहमहलमा बस्न लागेको हो । अहिले त्यहाँ नेताहरू पुगिरहेका छन् । तर अझै अध्यक्ष केपी शर्मा ओली आइपुगेका छैनन् ।
एघारौँ महाधिवेशनबाट निर्वाचित अध्यक्ष केपी शर्मा ओलीसहितको ३०१ सदस्यीय केन्द्रीय कमिटीको बिहीबार नै भृकुटीमण्डपमा शपथ भइसकेको छ ।
तस्बिरहरू : नेपाल फोटो लाइब्रेरी
प्रतिक्रिया