काठमाडौं – नेपाल प्रिमियर लिग अन्तर्गतको बुधबारको खेलमा सुदूरपश्चिमविरुद्धको ब्याटिङमा काठमाडौं गुर्खाज संकटमा पुगेको छ ।
११ ओभरको अन्तिम दुई बलमा लगालग दुई विकेट गुमेपछि काठमाडौं संकटमा पुगेको हो । १२ ओभरमा खेल पुग्दा काठमाडौं ६ विकेटको क्षतिमा ९६ रनको अवस्थामा छ ।
सुरुवाती क्रमका अन्य ब्याटरहरु सस्तैमा आउट हुँदा ओपनर आकाश त्रिपाठीले ब्याटिङ उकास्दै थिए ।
उनी पनि ११ ओभरको पाँचौ बलमा आउट भए । ३० बलमा ३४ रन जोडेर उनी आउट भए । यही ओभरको अन्तिम बलमा मोहम्मद आदिल आलम शून्यमा आउट भए ।
उनले जम्मा एक बलको सामना गरेका थिए । त्रिपाठी आउट भएपछि काठमाडौं संकटमा परेको हो ।
प्रतिक्रिया