काठमाडौं- नेकपा(एमाले)का अध्यक्ष केपी शर्मा ओलीले पूर्वमिस नेपाल श्रृंखला खतिवडाको बचाउ गरेका छन् ।

आइतबार सम्पादकहरूसँग संवादका क्रममा उनले नेकपा एकीकृत समाजवादी पार्टीका नेता विरोध खतिवडाकी पुत्री श्रृंखलाको बचाउ गरेका हुन्।

‘नेपो बेबी’का नाममा श्रृंखलाको सामाजिक सञ्जालमा बदनाम गर्नु गलत भएको उनले बताए । आफूलाई जेन-जीहरूको मागबारे प्रष्ट थाहा भए पनि ‘नेपो बेबी’ अभियानलाई बेठिक भनेका हुन् ।

‘के श्रृंखला खतिवडा अर्बपति-खर्बपतिकी छोरी हुन् ?’, उनले भनिन्, ‘के उनलाई हेलिकोप्टरबाट स्कुल पठाउने गरिएको थियो ?’

उनले ‘नेपो बेबी’ भन्दै श्रृंखलासहितका व्यक्तिका घरमा गएर आगो लगाइएकोमा पनि आपत्ति जनाएका छन् ।

‘अनेक अभियान चलाएर घरमा गएर आगो लगाइएको थियो’, उनले सम्पादकहरूलाई भने, ‘तपाईंहरूलाई यसरबारे बोल्न गाह्रो भएको थियो। मसँग मात्रै हिम्मतिलो भएर के गर्नु हुन्छ ?’

उनले ‘नेपो बेबी’ अभियानलाई कहिल्यै समर्थन नगर्ने बताए । ‘म यो ‘नेपो बेबी’ क्याम्पियनलाई समर्थन गर्दिनँ । आफ्ना छोराछोरीलाई जसले पनि माया गर्छ’, उनले भने, ‘नेपो बेबी’ नचाहिने अभियान हो ।’