काठमाडौं– फिलिपिन्सले चिनियाँ जासुसी युद्धपोतलाई नियन्त्रणमा लिएको छ । फिलिपिन्सको पश्चिमी तटस्थित आर्थिक क्षेत्रमा परिचालित चिनियाँ युद्धपोत नियन्त्रणमा लिइएको फिलिपिनी तटरक्षा बलले जनाएको छ ।

फिलिपिन्सको बीआरपी टेरेसा माग्बानुवा नामक युद्धपोतले टाइप ८१५जी विद्युतीय जासुसी युद्धपोत टियानवाङशिङ र त्यसलाई सहयोग गर्ने झाओजुन क्लास कटर ४२०३ लाई नियन्त्रणमा लिएको हो । यी जहाजलाई फिलिपिन्सबाट ७० नौटिकल माइल पश्चिममा नियन्त्रणमा लिइएको जनाइएको छ ।

फिलिपिन्सको तटरक्षा बलका कोमोडोर जे टेरिएलाले चिनियाँ नौसेना र चिनियाँ तटरक्षा बललाई फिलिपिनी सार्वभौमिकताको सम्मान गर्न आग्रह गरेका छन् । विज्ञप्ति जारी गर्दै उनले हाल टेरेसा माग्बानुवाले फिलिपिन्सको स्वामित्वमा रहेको समुद्री क्षेत्रको निगरानी गरिरहेको पनि जानकारी दिएका छन् ।