काठमाडौं – साउन लागेसँगै नेपाली महिलाहरू हरियो चुरापोते अनि मेहन्दीमा सजिन थालेका छन्। महिलाको शृंगारमा मेहन्दीको पनि महत्व छ ।
अविवाहितले राम्रो श्रीमान् भेटियोस् भनेर अनि विवाहितले पती-पत्नीको प्रेम प्रगाढ होस् भनेर मेहन्दी लगाउने प्रचलन छ । मेहन्दी जति गाढा लाग्छ, उत्ति नै गाढा माया बस्छ भन्ने विश्वास छ।
पछिल्लो समय मेहन्दीले फेसनकै स्वरुप लिएको छ । यसका अनेकौँ डिजाइन प्रचलनमा छन् । मेहन्दी लगाउने प्रचलन थुप्रै मानिसका लागि आयआर्जनको बाटो पनि बनेको छ । पसलदेखि फुटपाथसम्म मेहन्दी लगाउने र लगाइदिनेहरु देख्न सकिन्छ ।
ठाउँ, डिजाइन र गुणस्तर अनुसार यसको मूल्य पनि फरक फरक छ ।
प्रतिक्रिया