काठमाडौं– गत वर्ष प्रदर्शनमा आएको ‘ह्रस्व दीर्घ’बाट डेब्यू गरेका निर्देशक चन्द्र पन्तले नयाँ फिल्म ‘आबाट आमा’ निर्माणको घोषणा गरेका छन् ।

पन्तले सोमबार एक थिम पोस्टर सार्वजनिक गरी नयाँ फिल्म निर्माणको घोषणा गरेका हुन् । पोस्टरमा एक बालककले आमाको आशु पुछिरहेको देख्न सकिन्छ ।

पोस्टरमा पन्तकै कथा, लेखन र निर्देशन रहने बताइएको छ । साथै, प्रदर्शन मिति पनि फागुन १५ बाट प्रदर्शनमा आउने उल्लेख गरिएको छ ।

यस फिल्मको छायाङ्कन भदौबाट सुरु गर्ने योजनामा पन्त रहेका छन् । अहिलेसम्म कलाकार चयनको काम भने बाँकी रहेको उनले बताए ।

फिल्म आर्या इन्टरटेन्टमेन्टको प्रस्तुतीमा बन्ने बताइएको छ ।

पन्तको डेब्यू फिल्म ‘ह्रस्व दीर्घ’ले पाँच करोडको लगानीमा बनेको थियो । यसले घरेलु बक्स अफिसबाट चार करोडभन्दा माथिको व्यापार गरेको थियो ।