काठमाडौं- एसी मिलान च्याम्पियन्स लिग फुटबलबाट बाहिरिएको छ। सानसिरोको घरेलु मैदानमा मंगलबार राति भएको दोस्रो लेग प्ले अफमा फियुनार्डसँग एसी मिलान १-१ गोलको बराबरीमा रोकिएको हो।
यसअघि पहिलो लेगमा फियुनार्ड १-० ले विजयी भएको थियो। खेलको ३६ औँ सेकेन्डमा स्यान्टियागो गिमिनेजको गोलमा मिलानले अग्रता लिएको थियो। सो गोल यस सिजनको च्याम्पियन्स लिगको सबै भन्दा छिटो गोल पनि हो। खेलको ५१ औँ मिनेटमा थियो हर्नान्डेजले दोस्रो पहेँलो कार्डसहित रातो कार्ड पाएपछि मिलान सङ्कटमा परेको थियो।
खेलको ७३ औँ मिनेटमा फियुनार्डका जुलियन कारान्जाले बराबरी गोल गरे। फियुनार्डले दोस्रो चरणमा इन्टर मिलान र आर्सनल मध्य एकसँग खेल्ने छ।
प्रतिक्रिया