काठमाडौं– नेकपा एमालेका नेता योगेश भट्टराईले पार्टीको ११औँ महाधिवेशनमा स्वस्थ ढङ्गले निर्वाचन सम्पन्न भएको र नतिजा पनि सोही अनुसार आउने बताएका छन् । 

उनले मुलुकको राजनीति घेराबन्दी र जेनजी आन्दोलनपछि तितरबितर भएको अवस्थामा एमालेको महाधिवेशनले सकारात्मक सन्देश दिएको उल्लेख गरेका छन् ।

उनले मिडिया र अन्यले सोचेअनुसार चितवन महाधिवेशन जस्तै हुन्छ कि भन्ने आशङ्का व्यक्त गरे पनि त्यस्तो नभएर जनतामा पनि सकारात्मक सन्देश गएको जिकिर गरे ।

उनले भने, ‘एमालेमा जुन किसिमको घेराबन्दी र आन्दोलनपछि तितरबितर भएको अवस्थालाई एमालेको एघारौँ महाधिवेशनले सकारात्मक सन्देश दिएको छ ।’ यस्तो राम्रो वातावरण सायद कतै पनि थिएन होला निर्वाचनमा सबै नेताहरूबीच आपसी सद्भाव र एकता कायम भएको छ नतिजा पनि उस्तै आउँछ।’