काठमाडौं – नेपाल प्रिमियर लिग अन्तर्गत मंगलबारको खेलमा विराटनगर किङ्सका ब्याटर ओपनर लोकेश बम र ब्याटर मार्टिन गुप्टिलको ब्याटिङ चल्दा पोखरा एभेन्जर्स बलर संकटमा परेका छन् ।

विराटनगरका ओपनर लोकश १५ ओभर ३ बलसम्म टिकेर ७२ रन जोडेर बाहिरिए । ४८ बल खेलेका उनले १ चौका र ७ छक्का प्रहार गरे ।

त्यस्तै, ब्याटर मार्टिन गुप्टिलले पनि पोखरका बलरसामु हाबी बने । उनले ३५ बलमा ६१ रन जोड्न तीन चौका र पाँच छक्का प्रहार गरे ।

यी दुईको उत्कृष्ट ब्याटिङले विराटनगरको ब्याटिङ उकासिएको छ । जसले गर्दा पोखराका बलरहरू दबाबमा परेका छन् । विराटनगरको स्कोर उच्च अर्था् २०० तिर जाँदैछ ।

१८ ओभरमा खेल पुग्दा विराटनगरले तीन विकेटको क्षतिमा १८९ रन जोडेको छ । सहज लक्ष्यमा रोक्नका लागि पोखरालाई विकेटको आवश्यक छ । ठूलो लक्ष्य पाउने भएपछि पोखराका बलरहरू दबाबमा छन् ।