काठमाडौं– पाकिस्तानमा जरनवाला दंगामा पीडित भएका इसाई धर्मावलम्बीलाई न्याय दिन माग गर्दै प्रदर्शन भएको छ । पाकिस्तानको पञ्जाब प्रान्तको जरनवाला शहरको क्रिस्चियन कोलोनीमा इसाई समुदायका नेताहरुले प्रदर्शनको आयोजना गरेका हुन् ।

जरनवालामा ईश निन्दा भएको भन्दै सन् २०२३ को अगस्ट महिनामा भएको दंगा भड्किएको थियो । पाकिस्तानबाट प्रकाशित डन अखबारका अनुसार त्यसबेला आक्रोशित भीडले इसाई धर्मावलम्बीका २७ गिर्जाघर र २३ घर मा आगजनी गरेको थियो ।

प्रदर्शनलाई सम्बोधन गर्दै इसाई नेताहरु लाला रोबिन डानियल, शकिल भट्टी, इब्रार युनुस सहुर्ता, पास्टर फरज सिद्दिक, सामसन सलामतलगायतले सम्बोधन गरेका थिए ।

उनीहरुले दंगा भएको दुई वर्ष बित्दा पनि आफ्नो समुदायले न्याय नपाएको भन्दै आक्रोश व्यक्त गरेका थिए ।