काठमाडौं– काठमाडौं महानगरपालिकाले छात्रवृत्ति प्रवेश परीक्षाको तयारी तीव्र पारेको छ । छात्रवृत्ति प्रवेश परीक्षा शनिबार बिहान ८:०० देखि १०:०० बजेसम्म सञ्चालन हुने भएको छ ।
महानगरका अनुसार परीक्षा कक्षा १० को पाठ्यक्रममा आधारित हुनेछ, जसमा अनिवार्य गणित, विज्ञान र अंग्रेजीबाट ३०/३० प्रश्न र सामान्य ज्ञानबाट १० प्रश्न गरी कुल १०० बहु वैकल्पिक प्रश्नहरू सोधिनेछन् ।
उत्तीर्ण हुन न्यूनतम ४० प्रतिशत अंक आवश्यक छ, र गलत उत्तरका लागि नकारात्मक आङ्कलन गरिने छैन । छनोट भएका विद्यार्थीहरूले साउन १ देखि महानगरको आधिकारिक वेबसाइट entrance.kathmandu.gov.np मार्फत प्रवेश पत्र डाउनलोड गर्न सक्न् छन् ।
प्रतिक्रिया