काठमाडौं – स्विडेनलाई पेनाल्टी सुट आउटमा ३-२ ले हराउँदै इंग्ल्यान्ड महिला युरो कपको सेमिफाइनलमा प्रवेश गरेको छ।

सेमिफाइनलमा इंग्ल्यान्डले इटालीको सामना गर्नेछ। समग्रमा ९ पेनाल्टी खेर फालिएको खेलमा इंग्ल्यान्डका लागि लुकी ब्रोन्जले विजयी पेनाल्टी प्रहार गरेकी थिइन्। ब्रोन्जको प्रहार लगत्तै स्विडेनकी स्मिला होल्मवर्गको प्रहार गोल पोस्ट भन्दा माथि बाट बाहिरिएको थियो।

यसअघि निर्धारित ९० मिनेटको खेलमा २-२ गोलको बराबरी भएको थियो। सो खेलमा स्विडेनले २-० को अग्रता लिए पनि जोगाउन नसेकेको हो।

स्विडेनले ७ पेनाल्टीमा दुईमा मात्र सफल प्रहार गरेको हो। जुरिचमा भएको खेलमा खेल सकिन ११ मिनेट बाँकी रहँदा स्विडेन २-० ले अघि थियो। कप्तान कोसालाने अस्लानी तथा आर्सनलका फरवार्ड स्टिना ब्ल्याक स्टेनसको गोलमा स्विडेनले अग्रता लिएको हो।

खेल सकिन ११ मिनेट बाँकी रहँदा इंग्ल्यान्डका ब्रोन्जले कोली केलिको क्रसमा हेड गोल गरिन् भने टिनएजर वैकल्पिक खेलाडी मिकेल अगाययामले पेनाल्टी मार्फत गोल गरिन्।