काठमाडौं – नायक प्रदीप खड्का र निर्देशक सुदर्शन थापाले फेरि एक पटक सहकार्य गर्ने भएका छन् ।

सुदर्शनको निर्देशन रहने फिल्म ‘शुभ विवाह’को शीर्ष नायकमा प्रदीप अनुबन्ध भएका हुन् । निर्माण पक्षले बुधबार प्रदीपसँग सम्झौता भएको सार्वजनिक गरेको हो ।

निर्माण पक्षले गत वर्ष नै प्रदीपसँग सम्झौता भएको बताएको छ । फिल्मको नाम फाइनल भएपछि यो कुरा सार्वजनिक गरिएको बुझिएको छ ।

निर्माण पक्षका अनुसार यस फिल्मका लागि नायिका चयनको काम भने बाँकी नै छ ।

प्रदीप र सुदर्शनले फिल्म ‘प्रेम गीत’मा सहकार्य गरेका थिए । यो वि.सं २०७२ फागुनमा प्रदर्शनमा आएको थियो । प्रदीप यही फिल्मबाट उदाएका नायक हुन् ।

१० वर्षपछि उनीहरु फेरि सहकार्यका लागि तयार भएका हुन् ।

निर्देशक थापाका अनुसार ‘शुभ विवाह’ पारिवारिक प्रेम कथामा बन्ने फिल्म हो ।