काठमाडौं– काठमाडौंको चक्रपथ विस्तारका क्रममा दोस्रो खण्डको कामले गति लिन थालेको छ। अहिले महाराजगञ्जस्थित नारायणगोपाल चोकदेखि धुम्बाराही क्षेत्रमा धमाधम सर्भिस लेन र नाली निर्माण भइरहेको छ ।
चक्रपथ विस्तारका क्रममा दोस्रो खण्डअन्तर्गत कलंकीदेखि चाबहिलसम्म निर्माण हुन बाँकी छ । त्यसका लागि हाल सीतापाइला, वनस्थली ढुङ्गेधारा, गोंगबु, सामाखुशी र बसुन्धारा क्षेत्रमा सर्भिस लेन निर्माण अन्तिम चरणमा पुगेको छ ।
उक्त खण्डको सडक निर्माणका लागि चिनियाँ टोलीसमेत नेपाल आइसकेको छ । यो सडकखण्ड लामो समयदेखि निर्माण हुन सकेको थिएन । चिनियाँ टोली आएकाले अब यसले गति लिने विश्वास बढेको छ ।
तस्बिरहरू : नेपाल फोटो लाइब्रेरी
प्रतिक्रिया