काठमाडौं- भारतीय रेलवेले ब्रोड गेज सञ्जालमा ९९ प्रतिशत विद्युतीकरण सम्पन्न गरेको छ । विज्ञप्ति जारी गर्दै रेलवे मन्त्रालयले मुलुकका ब्रोड गेज सञ्जालमा ९९.२ प्रतिशत विद्युतीकरण सम्पन्न गरेको जानकारी दिएको हो ।

द इण्डियन एक्सप्रेसका अनुसार मन्त्रालयले पछिल्ला केही वर्षयता विद्युतीयकरणको गतिमा तीव्र वृद्धि भएको उल्लेख गरेको छ । शून्य कार्बन उत्सर्जनको लक्ष्य हासिल गर्नका लागि यस उपलब्धिलाई निकै महत्वपूर्ण मानिएको छ ।

सन् २०१९ देखि सन् २०२५ सम्म सञ्जालका ३३ हजार रुट किलोमिटरमा विद्युतीकरण गरिएको छ । यो १५ रुट किलोमिटर प्रतिदिनभन्दा धेरै हो ।

यस अवधिमा विद्युतीकरण गरिएको दुरी जर्मनीको कुल रेल सञ्जालको दुरीभन्दा धेरै रहेको जनाइएको छ । विद्युतीकरण प्रक्रिया भारतका २५ राज्य तथा युनियन टेरिटोरीमा सम्पन्न गरिएको छ ।

विद्युतीरकण प्रक्रियापछि डिजेलको उपभोगमा कमी आएको, उत्सर्जन कटौती भएको र सञ्चालन खर्च घटेकोे मन्त्रालयले उल्लेख गरेको छ ।