काठमाडौं- बलोचिस्तानमा बलोच रिपब्लिकन आर्मी (ब्रास) ले आक्रमण गर्दा दुई दर्जन पाकिस्तानी सैनिक मारिएका छन् । ब्रासले जारी गरेको विज्ञप्तिमा गत अगस्ट १० देखि १५ अगस्टसम्म गरिएका विभिन्न ७१ वटा आक्रमणमा परी २४ जना पाकिस्तानी सैनिकको मृत्यु भएको दाबी गरिएको छ ।

द बलोचिस्तान पोस्टका अनुसार ब्रासले प्रान्तका विभिन्न जिल्लामा यी आक्रमणहरू गरेको थियो । ब्रासका प्रवक्ता बलोच खानका अनुसार उनको समूहका लडाकुले सैन्य चौकी, प्रहरी कार्यालय, सुरक्षाकर्मीको लस्करलाई लक्षित गरी आक्रमण गरिएको हा े।

यस आक्रमणबाट पाकिस्तानी सेनातर्फ गम्भीर हताहती र ठूलो भौतिक क्षति निम्त्याएको दाबी गरेको छ । पाकिस्तानी अधिकारीले यसबारे कुनै टिप्पणी गरेका छैनन् । लामो समयदेखि पाकिस्तानको बलोचिस्तान प्रान्तमा स्वतन्त्रताको माग राख्दै विभिन्न लडाकु समूहले आक्रमण गर्दै आएका छन् ।