काठमाडौं– शिव श्री हाइड्रोपावर लिमिटेडले हकप्रद शेयर निष्कासन गर्ने भएको छ । कम्पनीले भदौ १९ गतेदेखि हकप्रद शेयर निष्कासन गर्ने लागेको हो ।
कुल १ करोड ४७ लाख ६४ हजार कित्ता हकप्रद शेयर १ बराबर १ को अनुपातमा निष्कासन गर्ने भएको हो ।
उक्त हकप्रद शेयर निष्कासनका लागि कम्पनीले नेपाल धितोपत्र बोर्डबाट गत साउन ४ गते अनुमति पाएको थियो ।
हकप्रद शेयर प्रतिकित्ता १०० रुपैयाँका दरले बिक्री हुने भएको छ । हकप्रद शेयर निष्कासन प्रयोजनका लागि यस कम्पनीले गत साउन १६ गते एक दिनका लागि बुक क्लोज गरेको थियो ।
हकप्रद शेयरमा असोज ८ गतेसम्म आवेदन दिने मिति तय गरिएको छ । यसको निष्कासन तथा बाँडफाँडको काम सिटिजन्स क्यापिटल लिमिटेड रहेको छ ।
प्रतिक्रिया