काठमाडौं– इजरायली रक्षामन्त्री इजरायल कट्जले इरानको राजधानी तेहरानमा व्यापक हमला गरिने घोषणा गरेका छन् । मध्य इजरायलमा पत्रकारहरुसँग कुराकानी गर्दै रक्षामन्त्री कट्जले आफ्नो वायुसेनाले तेहरानमा व्यापक हमला गर्ने जनाएका हुन् ।
उनले इजरायली वायुसेनाले ‘निकै महत्वपूर्ण निशाना, रणनीतिक निशाना, सत्ताको निशाना र पूर्वाधार’ मा आक्रमण गर्ने बताए । उनले आफ्नो सेनाले आक्रमणअघि नजिकैका मानिसहरुलाई भागेर जाने चेतावनी जारी गर्ने पनि उल्लेख गरे ।
उनले इरानको भूमिगत फोर्दो आणविक केन्द्रलाई पनि निशाना बनाउने विषयलाई ‘सम्बोधन गरिने’ बताए । उनले तेहरानमा ‘१० भन्दा धेरै निशाना’ रहेको र ती निशानालाई इजरायलले ध्वस्त पार्ने तयारीमा रहेको बताए ।
प्रतिक्रिया