काठमाडौं– शिक्षा ऐन लगायत विभिन्न माग राख्दै सामुदायिक विद्यालयका शिक्षकहरू १६ दिन देखि सडक आन्दोलनमा छन् ।
शिक्षक महासंघको नेतृत्वमा सुरु गरिएको सो आन्दोलनले अहिले सम्म हिंसात्मक रूप भने लिएको छैन ।
सरकारले विद्यालय शिक्षा विधेयक पारित गर्न समन्वय गर्ने निर्णय गरे पनि महासंघले भने विद्यालय शिक्षा ऐन जारी नभएसम्म घर नफर्किने भन्दै आन्दोलन जारी राखेका हुन् ।
उनीहरूले विद्यालय शिक्षा ऐन जारी गर भन्दै नाराबाजीका साथ माइतीघर–बबरमहल क्षेत्रमा धर्ना सहित प्रदर्शन गरेका छन् ।
शिक्षकहरूले विद्यालय शिक्षा विधेयक प्रतिनिधिसभाबाट पारित नभएसम्म आन्दोलन जारी रहने जनाएका छन् ।
तस्बिरहरू : नेपाल फोटो लाइब्रेरी :
प्रतिक्रिया