सुर्खेत- बिहीबार बिहान आएको अबिरल वर्षापछिको बाढीले हुम्लाको अदानचुली गाउँपालिकास्थित श्रीनगर बजारमा क्षति पुर्याएको छ ।
अदानचुली गाउँपालिकाको केन्द्र श्रीनगर बजारमा बाढीले ठूलो क्षति पुगेको अनुमान गरिएको हो । बाढीले बजारका ११ घर र एक पसलमा क्षति पुगेको प्रारम्भिक जानकारी आएको प्रहरीले जनाएको छ ।
जिल्ला प्रहरी कार्यालय हुम्लाका प्रमुख प्रहरी नायव उपरीक्षक शंकर पोखरेलका अनुसार अहिले घटनास्थलमा स्थानीयबासी र प्रहरीले उद्दार गरिरहेका छन् । क्षतिको विवरण पनि संकलन भइरहेको छ ।
उनका अनुसार अदानचुली गाउँपालिका वडा नम्बर ३ का आइते बुढाको गोठ भत्किँदा २६ बाख्रा मरेका छन् ।
प्रतिक्रिया