काठमाडौं– नेपाल बीमा प्राधिकरणको रिक्त सञ्चालक समितिको अध्यक्ष पादका लागि पाँच जनाको नाम सर्टलिस्टमा परेको छ । अर्थ मन्त्रालयले आज सार्टलिस्टमा पर्ने पाँच जनाको नाम सार्वजनिक गरेको हो ।

सर्टलिस्टमा कमल प्रसाद रेग्मी, चिरञ्जीवी चापागाईँ, दामोदर बसौला, रामशरण पुडासैनी र शरद ओझा परेका छन् । आइतबार पाँच जनाको नाम सर्टलिस्टमा राख्ने निर्णय गरेको सार्वजनिक सूचनामा भनिएको छ ।

सर्टलिस्टमा परेकालाई फागुन १० गते दिउँसो २ बजे अन्तर्वार्ताको लागि आउन नाम सिफारिस गर्ने समितले आह्वान गरेको छ ।

बीमा प्राधिकरणका तत्कालीन अध्यक्ष सूर्य सिलवाललाई भ्रष्टाचार मुद्दा लागेपछि प्राधिकरणको पद खाली छ । अहिले अर्थ मन्त्रालयका सहसचिव मदन दाहाल अध्यक्षको रुपमा काम गरिरहेका छन् ।