काठमाडौं- गत असार ३० गते नेपाली कांग्रेस र नेकपा एमाले मिलेर बनेको गठबन्धन सरकारले ६ महिना पूरा गरेको छ ।

गत असोजमा प्रधानमन्त्री केपी शर्मा ओलीले तीन महिने उपलब्धि सुनाउँदै अब सरकारको गियर बदलेर तीव्र गतिमा काम गर्ने बताएका थिए ।

तर, त्यसयताका तीन महिना बित्दा पनि दुईतिहाइ नजिकको सरकार आफैं रणभुल्ल अवस्थामा छ । देखाउन सकिने ठोस उपलब्धि जनतासामु नपुग्दा निराशा चिरिन सकेको छैन ।

दुई नेता आलोपालो प्रधानमन्त्री हुने सहमति गर्दा अब देशले विकास र समृद्धिको गति लिने अपेक्षा थियो । तर यी ६ महिनामा जनताले दुई नेताको चाकाचुली खेल हेर्नेबाहेक अरु गतिलो उपलब्धि देख्न सकेका छैनन् ।

कछुवा गतिमा सरकार अघि बढ्दा यसलाई हाँक्ने दुई नेता चाकाचुलीमा रमाइरहेको दृश्यसहित यस कार्टुनमा ब्यंग्य कसिएको छ ।