काठमाडौं – भारत र इंग्ल्यान्डको युवा टोलीको टेस्ट बराबरीमा सकिएको छ। मङ्गलबार अन्तिम दिन ३५० रनको लक्ष्य पाएको इंग्ल्यान्डले ७ विकेटको क्षतिमा २७० रन बनाएपछि खेल सकिएको थियो।
यसअघि भारतले दोस्रो पारीमा २४८ रन जोडेको थियो। भारतका लागि बिहान मलहोत्राले ६३ तथा आरएस अम्बरिसले ५३ रन जोडे। इंग्ल्यान्डका अर्चि भौनले ८४ रन खर्चेर ६ विकेट लिए।
इंग्ल्यान्डले पनि तीन विकेट ६२ रनमा नै गुमाएको थियो। हाम्जा शेख र बेन मायसले चौथो विकेटका लागि ११९ रनको साझेदारी गरे। कप्तान शेखले ११२ रन जोडे। मायसले ५१ रन बनाए। थोमस रेउले ३५ बलमा नै ५० रन बनाए। रेउ आउट भएपछि बराबरी गर्न राल्फी अल्बर्ट र ज्याकहोमले ११.५ ओभरमा सङ्घर्षपूर्ण ब्याटिङ गरे।
प्रतिक्रिया