नयाँदिल्ली– इजरायलयसँगको युद्ध चर्किँदै गएपछि भारतले इरानमा रहेका आफ्ना १० हजार बढी नागरिकको उद्धार गर्ने भएको छ।

इरानको राजधानी तेहरानसहितमा जारी इजरायली आक्रमणबीच भारतले आफ्ना नागरिक र विद्यार्थीहरूलाई सुरक्षित स्थानमा लैजाने तयारी थालेको छ।

भारतको विदेश मन्त्रालयका अनुसार हाल इरानमा झन्डै १० हजार भारतीय रहेका छन् । जसमा अधिकांश विद्यार्थीहरू छन्।

तेहरानस्थित भारतीय दूतावासले सुरक्षा अवस्थाको निगरानी गर्दै विद्यार्थीहरूसँग सम्पर्क राखिरहेको र उनीहरूलाई सुरक्षीत स्थानतर्फ सार्ने प्रयास गरिरहेको छ।

उता इजरायलका रक्षा मन्त्री इजरायल काट्जले पुनः इरानलाई चेतावनी दिएका छन् । ‘हमलाको मूल्य तेहरानका नागरिकहरूले चुकाउनु पर्नेछ’, उनले भनेका छन् ।