वाशिंटन – गएको महिना भुल बस एल साल्भाडोरमा लगिएका मेरिल्यान्डका बासिन्दालाई फिर्ता गर्न गरिएको पहलको प्रमाण पेस गर्न सङ्घीय अदालतले अमेरिकी राष्ट्रपति ट्रम्प प्रशासन डोनाल्ड ट्रम्प प्रशासनलाई आदेश दिएको छ।

एल साल्भाडोरका २९ वर्षीय किलमार अल्ब्रेगो गार्सियालाई फिर्ता बोलाउन न्यायाधीश पाउला निसले दुई साताको समय दिएकी हुन्।

सरकारले सही ढङ्गले काम गरेको या नगरेको भन्ने विषयमा ध्यान दिने उनले बताइन्। गत साता अदालतले उनलाई फिर्ता बोलाउन आदेश दिएको थियो। आइतबार मात्र अमेरिका भ्रमणमा रहेका एल साल्भाडोरका राष्ट्रपति नायिब बुकेलेले उनलाई फिर्ता पठाउन असमर्थ रहेको बताएका थिए।

कानुन मन्त्रालयका अधिवक्ता ड्रिउ एन्गस्टनले भने गार्सिया आफै पोर्टमा आएर कुरा राखेमा आफूहरूले पहल गर्ने बताएका छन्।

एक दिन अघि गृह मन्त्रालयका जेसेफ मजाराले गार्सिया प्रवेशद्वारको अमेरिकी पोर्टमा उपस्थित भएमा उनलाई गिरफ्तार गर्ने चेतावनी दिएका थिए।