काठमाडौं – एर्लिङ हल्याण्डले कीर्तिमान कायम राखे पनि म्यानचेस्टर सिटीको यस सिजनको सङ्घर्ष जारी रहेको छ।

इङ्लिस प्रिमियरसीपको शनिबार राति भएको खेलमा ब्रिङटन र म्यानचेस्टर सिटी बिचको खेलमा २-२ गोलको बराबरीमा सकियो।

सय भन्दा कम प्रिमियरसिप खेलमै सय गोलमा आबद्ध हुने खेलाडीको रूपमा उनले कीर्तिमान कायम गरेका हुन्। उनले ९४ औँ खेल खेलिरहँदा सो सफलता पाएका हुन्।

११ औँ मिनेटमा हल्याण्डले पेनाल्टीमा गोल गर्दै सिटीलाई अग्रता दिलाएका थिए। सो गोल प्रिमियरसिपमा उनको ८४ औँ गोल हो। पर्भिस स्टुपिनानले २१ औँ मिनेटमा सानदार गोल गर्दै ब्रिङटनलाई खेलमा फर्काएका हुन्।

खेलको ३९ औँ मिनेटमा ओमार माउर माउसले सिटीलाई अग्रता दिलाए पनि ४८ औँ मिनेटमा सिटीकै खुसानोभले आत्मघाती गोल गरे।

बराबरीपछि सिटी ४८ अङ्कसहित पाँचौँ तथा ब्रिङटन ४७ अङ्क सहित सातौँ स्थानमा छन्। ४७ अङ्क रहेको न्यु क्यासल र ४९ अङ्क रहेको चेल्सीले एक खेल कम खेलेका छन्।