काठमाडौं – गायिका मेलिना राई शुक्रबार विवाह बन्धनमा बाँधिने भएकी छन् । उनले इलामका ध्रुव गुरुङसँग विवाह गर्न लागेकी हुन् ।

ध्रुव पेशाले ब्रिटिस आर्मी हुन् । उनको जन्म थलो इलाम हो । उनीहरूले छोटो प्रेम सम्बन्धलाई विवाहमा परिणत गर्न लागेको बुझिएको छ ।

उनीहरूले जातीय पोसाकमा इन्गेजमेन्ट गरेको गरेको तस्बिर पनि सार्वजनिक भएको छ ।

ध्रुवका आफन्तहरूले सामाजिक सञ्जालमा विवाहको लागि बधाई तथा शुभकामना दिएका छन् ।

धुव्रका मीत दाइ पर्ने इमालस्थित माईजोगमाई गाउँपालिकाका पूर्वअध्यक्ष जीतबहादुर राईले सामाजिक सञ्जालमा मेलिना र उनलाई विवाहको शुभकामना दिएका छन् ।

राईले खबरहबसँग भने, ‘विवाह भोलि हुने पक्का हो । भाइले विवाह गर्न लागेकाले मैले पनि सामाजिक सञ्जालमा शुभकामना दिएको छु ।’

यता मेलिनाको सामाजिक सञ्जालमा पनि विवाहको शुभकामना र बधाईका सन्देश आउन सुरु भएको छ ।उनीहरुले काठमााडौंमै विवाह गर्न लागेका हुन् ।