काठमाडौं – नवनियुक्त ऊर्जामन्त्री कुलमान घिसिङले तलब, भत्ता र सुविधाबापत आउने सबै रकम जेन-जी आन्दोलनमा सहिद भएका नाममा खडा हुने कोषलाई दिने बताएका छन् ।
सिंहदरबारमा सोमबार पदभार ग्रहण गर्दै उनले असामान्य परिस्थितिमा आफू मन्त्री बनेको हुँदा पदमा बसेर पाउने सबै रकम कोषलाई दिने निर्णय सुनाए हुन् ।
सरकारबाट पाउन अन्य सेवा सुविधा पनि कम मात्रै लिन उनको आशय छ । सुरक्षाका कारण देखाइ उनले सुरक्षाकर्मी र आवास भने प्रयोग गर्ने बताए ।
उनले भने, ‘सुरक्षाका लागि आवश्यक सुरक्षाकर्मी र आवासबाहेक अन्य कुनै सुविधा लिनेछैन ।’
सुशीला कार्की नेतृत्वको अन्तरिम सरकारमा कुलमानले ऊर्जासहित, भौतिक पूर्वाधार र सहरी विकास मन्त्रालयको जिम्मेवारी पाएका छन् ।
प्रतिक्रिया