काठमाडौं – भारत र इङ्गल्यान्डको युवा क्रिकेट टोलीको खेलमा लगातार तेस्रो दिन ब्याटर हाबी भएका छन्। भारतले बनाएको ५४० रनको जवाफमा ब्याटिङ गरेको इङ्गल्यान्डले ४३९ रनको योगफल खडा गरेको छ।

सोमबार तेस्रो दिनको खेल सकिँदा भारतले ३ विकेटको क्षतिमा १२८ रन जोडेको छ। विस्फोटक ब्याटर वैभव सूर्यवंशीले टेस्टमा पनि आक्रामक ब्याटिङलाई निरन्तरता दिएका छन्। उनले ४४ बलमा ५६ रन जोडे। उनलाई आर्की भौनले आउट गरे। भौनले १० ओभर बलिङ गरेर १४ रन खर्चेर तीन विकेट लिए।

यसअघि इङ्गल्यान्डको पारीमा चार ब्याट्सम्यानको अर्धशतक समावेश थियो। कप्तान हम्जा सेखले ८४, रकी फ्लिन्टफले ९३, एकांश सिंहले ५९ तथा राल्फी अल्बर्टले ५० रन जोडे। भारतका हेनिन पटेलले तीन विकेट लिए भने सूर्यवंशी र आरएस अम्बरिसले समान दुईदुई विकेट लिए।