काठमाडौं– वर्षा र सहकालका देवता मानिने रातो मत्स्येन्द्रनाथको रथ यही जेठ १५ गते लगनखेलको थती टोलबाट जावलाखेल लगिने भएको छ ।
लगनखेलको थती टोलबाट रथ तान्न साइत हेर्नुपर्ने भएकाले बिहीबार मङ्गलबजारकाे सोह्रखुट्टेपाटीमा बसेर ज्योतिषहरूले निकालेको साइतअनुसार रथ तान्ने उत्तम दिन जेठ १५ गते रहेको ज्योतिष दैवज्ञ कीर्तिकिरण जोशीले बताए ।
रथलाई जावलाखेल पुर्याएकाे चार दिनपछि अर्थात जेठ १८ गते भोटो देखाउने जात्रा हुने उनको भनाइ छ ।
ललितपुरको रातो मत्स्येन्द्रनाथको जात्रा भोटो देखाउने जात्रापछि बाजागाजाका साथ बुङ्गमती लगिएपछि यस वर्षको जात्रा सम्पन्न भएको मानिन्छ ।
प्रतिक्रिया