काठमाडौं- आफ्नो मुलुकको क्षमता विकासमा सहयोग गरेको भन्दै हिन्द महासागरमा अवस्थित मुलुक सेसेल्सले भारतको प्रसंशा गरेको छ । भारतका लागि सेसेल्सकी उच्चायुक्त ललाटियाना अकौचेले क्षमता विकासका लागि भारतीय सहयोगको प्रसंशा गरेकी हुन् ।

डब्लूआईओएनसँगको कुराकानीका क्रममा द्विपक्षीय सहकार्य अझ गहिरो बन्दै गइरहेको भन्दै उनले यो साझेदारी अझ सुदृढ हुने विश्वास व्यक्त गरिन् । उनले भारतले सेसेल्सका १ हजारभन्दा धेरै क्षेत्रमा सहयोग गरिरहेको उल्लेख गरिन् ।

सङ्ख्यामा सानो भएपनि जनसङ्ख्याका अनुपातमा यो सेसेल्सका लागि ठूलो सहयोग रहेको बताइन् । भारतले सेसेल्सका विभिन्न क्षेत्रमा सक्रिय व्यक्तिहरुलाई तालिम दिइरहेको बताउँदै उनले सेसेल्सको रक्षा र प्रहरी संगठनका १० अधिकारीहरुले हाल भारतमा प्रशिक्षण लिइरहेको जानकारी दिइन् ।

उनले सेसेल्समा बिरामी हुने व्यक्ति विदेशमा उपचार गर्न जानुपर्ने अवस्था आए भारतलाई नै रोज्ने गरेको पनि बताइन् । उनले भारत र सेसेल्सबीच हवाई सम्पर्क पनि विस्तार भइरहेकोमा सन्तोष व्यक्त गरिन् ।