काठमाडौं – नायक खगेन्द्र लामिछाने र नायिक वर्षा सिवाकोटी शीर्ष भूमिकामा रहेको फिल्म ‘हर्ष’को ‘कुटु कुटु कस्तो लाग्यो माया बरिलै’ बोलको गीत सार्वजनिक भएको छ ।

निर्माण पक्षले फिल्मको प्रचार सामाग्रीका रुपमा शुक्रबार फिल्मको गीत युट्युबमार्फत् सार्वजनिक गरेको हो ।

गीतको भिडियोमा खगेन्द्र र वर्षालाई रोमान्टिक अवतारमा प्रस्तुत गरिएको छ । खगेन्द्र पहिलो पटक रोमान्टिक अवतारमा प्रस्तुत भएका हुन् ।

यस गीतमा गायक सनिश श्रेष्ठ र अप्सरा घिमिरेको स्वर रहेको छ । सनिस ‘द भ्वाइ अफ नेपाल सिजन २’बाट चर्चामा आएका गायक हुन् । गीतको शब्द नीरकलम खड्काको हो ।

हर्ष फिल्म मंसिर १२ बाट प्रदर्शनमा आउँदैछ । यही फिल्मबाट एकता पौडेलले निर्देशनमा डेब्यू गरेकी हुन् । फिल्मको लेखक उनी आफैँ हुन् ।

अष्टलक्ष्मी प्रोडक्सन्स् र ई-प्राइम मुभिजको ब्यानरमा निर्माण भएको यस फिल्मको निर्माताहरु प्रशन्न पौडेल र विकास पौडेल हुन् ।

भिडियोको लिंक :