काठमाडौं – जेन–जी आन्दोलनका कारण मंगलबारदेखि बन्द भएका फिल्महरु पुनः सञ्चालनमा ल्याउन चलचित्र संघले छलफल थालेको छ ।

संघका महासचिव सुरेन्द्र थापाका अनुुसार अहिले पदाधिकारीहरुबीच छलफल भइरहेको छ ।

विशालनगरमा जारी वैठकमा हलहरु केही कडाइका साथ सोमबारदेखि सञ्चालनमा ल्याउने कुरामा सहमति जुटेको छ ।
रातिको १० बजे अगावै हलबन्द गर्ने सर्त लागु हुने उनले बताए ।

उनले भने, ‘दर्शक र हलकै सुरक्षाका कारण धेरै रातिसम्मको शो हटाउने निर्णय भएको हो ।’

अबको केही समयमै संघले विज्ञप्तिसमेत जारी गर्ने उनले बताए ।

संघका अनुसार भदौ २४ को प्रदर्शनमले देशभरका चार हलमा क्षति पुगेको छ । गोंगबुको आईएनआई, भक्तपुरको क्यूएफएक्स, विराटनगरको क्यूएफएक्स र वुटवलको क्यूएफएक्समा आन्दोलनकारीले क्षति पुर्‍याएका छन् ।