काठमाडौं– सानिमा ग्रोथ फण्ड योजनाले आर्थिक वर्ष २०८१÷८२ का लागि लाभांश दिने भएको छ । उक्त फण्डको व्यवस्थापनको बुधबार साँझ ५ बजे बसेको संचालक समितिको बैठकले सो योजनाको इकाई धनीहरुलाई लाभांश दिने निर्णय गरेको हो । 

कम्पनीले १० करोड ६१ लाख ८९ हजार रुपैयाँ बराबरको हुन आउने १५.७९ प्रतिशत लाभांश दिने भएको छ । उक्त्त लाभांश कर सहित भएको कम्पनीले जनाएको छ । 

लाभांश सुरक्षित गर्नेका लागि कम्पनीले भदौ ६ गते एक दिनका लागि बुक क्लोजको मिति तय गरेको छ । भदौ ५ गतेसम्म कायम रहेको व्यक्तिले उक्त लाभांश पाउने छन् । 

उक्त फण्ड बन्दमुखी योजना अन्तरगत हो  । फण्डको आकार ६७ करोड २५ लाख ३२ हजार ६०० रुपैयाँ बराबरको छ । 

उक्त फण्ड सानिमा बैंक लिमिटेड कोष प्रवर्द्धक तथा सानिमा क्यापिटल लिमिटेड योजना व्यवस्थापक डिपोजिटरी रहेको सानिमा म्युचुअल फण्ड अन्तर्गत सञ्चालित छ ।