काठमाडौं- महिलाहरूले श्रीमानको रूपमा कस्ता पुरुष रुचाउँछन् भन्ने कुरा व्यक्तिगत रुचि, संस्कार, जीवनशैली र अनुभव अनुसार फरक पर्न सक्छ ।

सर्वप्रथम, आदर गर्ने श्रीमान् सबैभन्दा प्राथमिक चाहना हो । महिलाहरूले आफूलाई सम्मानित महसुस गराउने, सल्लाह लिने, कुराकानीमा ध्यान दिने पति मन पराउँछन् । दोस्रो, समझदारी र संवेदनशीलता भएका श्रीमान् चाहिन्छ, जसले उनको भावना बुझ्न सकोस् र कठिन समयमा साथ दिन सकोस् ।

त्यसैगरी, ईमानदार र जिम्मेवार हुनु पनि अत्यन्त महत्वपूर्ण हुन्छ । आफ्नो परिवारप्रति समर्पित, घरको जिम्मेवारी बुझ्ने र जीवनका लक्ष्यप्रति स्पष्ट सोच भएका श्रीमान् धेरै महिलाहरूको चाहना हुन्छ ।

आदर र सम्मान गर्ने श्रीमान्
महिलाहरूले आफूलाई सम्मानित महसुस गराउने पुरुषहरूलाई प्राथमिकता दिन्छन् । जसले उनको विचार, भावना र स्वतन्त्रतालाई महत्व दिन्छन् । सम्मानले विश्वास र आत्मीयता बढाउँछ ।

समझदार
जीवनसाथी भनेको केवल बोल्ने होइन, सुन्ने पनि हो। महिलाहरू यस्तो श्रीमान् चाहन्छन् जसले मनको कुरा बुझ्न सकोस्, दबाब नदिई समर्थन गरुन्।

इमानदार र जिम्मेवार
विश्वासको आधार ईमानदारिता हो। महिलाहरू त्यस्ता श्रीमान् चाहन्छन् जसले धोका नदिओस्, आर्थिक तथा पारिवारिक जिम्मेवारी लिई निडर रूपमा अगाडि बढोस् ।

सहयोगी
घर चलाउनु केवल महिलाको काम होइन । घरायसी काम, बालबच्चा हेरचाह वा निर्णयमा साथ दिने श्रीमान् सबै महिलाहरूलाई प्रिय लाग्छन् ।

हँसिलो, सकारात्मक सोच भएका
जीवनमा तनाव त हुन्छ नै, तर जो श्रीमान् सँग बस्दा मन हलुका हुन्छ, खुसी महसुस हुन्छ, ती महिलाहरूको रोजाइमा पर्छन्।

सुरक्षा र अपनत्व दिने
शारीरिक, मानसिक र भावनात्मक सुरक्षा दिने पुरुष महिलाहरूको लागि आदर्श श्रीमान् हुन्छन्। उनीहरू यस्तो सम्बन्ध खोज्छन् जहाँ निडर भएर आफू प्रकट गर्न सकून्।