काठमाडौं- बन्दी जीवन बिताइरहेकी बलोचिस्तानकी मानव अधिकारवादी नेतृ महरङ बलोचले मानव अधिकारवादी अधिवक्ताको समर्थन गरेकी छिन् । बलोचिस्तानमा मानव अधिकारको क्षेत्रमा क्रियाशील संस्था बलोच एक्जेठी कमिटिकी नेतृ महरङ बलोचले मानव अधिकारवादी अधिवक्ताहरु इमान जैनाब मजारी हाजिर र हादी अली चत्थाको पक्षमा समर्थन गरेकी हुन् ।

ती अधिवक्ताहरुमाथि विभिन्न अभियोग लगाइएको छ । सामाजिक सञ्जाल एक्समा पोस्ट गर्दै बलोचले उनीहरुविरुद्ध पाकिस्तानी राज्यले दमनकारी नीति लिएको र उपनिवेशकालीन कानुनको आडमा विरोधी स्वरलाई दबाउन खोजेको आरोप लगाएकी छिन् ।

बलोचिस्तान पोस्टका अनुसार मानव अधिकारका लागि आवाज बुलन्द पारेकै कारण ती अधिवक्ताहरुलाई दुःख दिइएको बलोचको आरोप छ । उनले ती अधिवक्तामाथि लगाइएको आरोप निराधार रहेको भन्दै उनीहरुको पक्षमा उभिन अन्तर्राष्ट्रिय समुदायलाई पनि आह्वान गरेकी छिन् ।