काठमाडौं- एभरेस्ट महिला भलिबल लिग प्रतियोगितामा काठमाडौं स्पाइकर्सले जित निकालेको छ। काठमाडौंमा जारी प्रतियोगितामा काठमाडौंले पोखरा निञ्जाजलाई पराजित गरेको हो।
त्रिपुरेश्वरस्थित राष्ट्रिय खेलकुद परिषद्को कभर्डहलमा बिहीबार भएको खेलमा काठमाडौंले पोखरालाई ३–१ को सेटमा पराजित गरेको हो। काठमाडौंले सुरुआती दुई सेट २५–१९, २५–१७ ले आफ्नो पक्षमा पारेको थियो। तेस्रो सेटमा भने काठमाडौं १२–२५ ले पछि पर्यो । चौथो सेटमा २५–१८ ले विजयी भयो।
चार खेल खेल्दा दोस्रो जित निकालेको काठमाडौं ६ अंक जोडेर अंकतालिकाको तेस्रो स्थानमा उक्लेको छ। पोखराले भने पाँचै खेल खेलिसक्दा एक जित तथा चार हारका साथ चार अंक जोडेर लिग सकाएको छ।
प्रतिक्रिया