तेलअभिभ- संयुक्त राज्य अमेरिका का राष्ट्रपति डोनाल्ड ट्रम्प चार घण्टे लामो भ्रमणका लागि इजरायल आइपुगेका छन्।

तेल अभिभको होस्टेज स्क्वायर माथि उडान भरेपछि अमेरिकी राष्ट्रपति ट्रम्प बेन गुरियन अन्तर्राष्ट्रिय विमानस्थलमा अवतरण गरेका हुन् ।

जहाँ उनलाई इरायली प्रधानमन्त्री बेन्जामिन नेतन्याहु र राष्ट्रपति आइज्याक हर्जोगले स्वागत गरे।

अमेरिकी राष्ट्रपति विमान एयर फोर्स वन पछिल्लोपटक इजरायलमा अक्टोबर ७, २०२३ का आक्रमणपछि तत्कालीन राष्ट्रपति जो बाइडेनको ऐक्यबद्धता भ्रमणका क्रममा आएको थियो।

राष्ट्रपति डोनाल्ड ट्रम्प सोमबार इजरायलमा त्यही समयमा अवतरण गरे, जब हमासले पहिलो चरणमा इजरायली बन्धकहरूको समूह मुक्त गरेको थियो।

उनले सोमबार नै नेसेट (इजरायली संसद्) मा सम्बोधन गर्ने अपेक्षा गरिएको छ।