काठमाडौं– पाकिस्तानको कराँचीका सार्वजनिक अस्पतालमा चरम सङ्कट देखा परेको छ । कराँचीको अस्पतालमा शैय्या, भेन्टिलेटर र चिकित्सकको अभाव देखा परेको छ ।

पाकिस्तानबाट प्रकाशित हुने द एक्सप्रेस ट्रिब्युनका अनुसार अस्पतालको यस्तो अवस्थाबाट स्थानीय बासिन्दासहित बिरामीहरु समस्यामा परेका छन् । कराँचीका मुख्य अस्पतालमा केबल ६ हजार ५ सय शैय्या र २ सय ५० भेन्टिलेटरहरु छन् ।

तर, ती शैय्याका लागि पर्याप्त उपकरण छैनन् । जिन्ना अस्पतालका प्रवक्ता जाहाङ्गीर दुर्रानीका अनुसार कर्मचारी अभावले अस्पतालका अधिकांश आईसीयू युनिट निष्क्रिय छन् ।

छातीरोगको आईसीयूमा १५ मध्ये ५ शैय्या र शल्यक्रिया आईसीयूमा २१ मध्ये ८ शैय्या मात्र सञ्चालनमा छन् ।

कराँचीका जिल्ला अस्पतालहरूमा ६० प्रतिशत शैय्या भरिएका छन् । तर, प्यारामेडिकल कर्मचारी, नर्स र विशेषज्ञ चिकित्सकको कमी छ ।