काठमाडौं – गायक रामजी खाँणले आफूविरुद्ध सामाजिक सञ्जालमा भइरहेको आलोचना र साइबर ब्यूरोमा परेको उजुरीका सन्दर्भमा सामाजिक सञ्जालमार्फत स्पष्टीकरण दिएका छन्।

खाँणले आफ्नो फेसबुक स्टाटसमा लेखेका छन्, “हिजोदेखि ‘नयाँ गीत आयो’ भन्दै लुकीलुकी सेयर गरिएको, आज आएर ‘तीजमा विकृति र अश्लीलता ल्यायो’ भनेर उजुरी परेछ।” उनले स्पष्ट पारेका छन् कि विवादित भनिएको गीत तीज गीत होइन, न त दोहोरी नै, बरु एक पृथक धारको गीत हो।

उनका लेखेका छन्।, “केही साथीहरूले त्यो गीतलाई तीज गीत भनेर दर्ता गराएका रहेछन्, तर वास्तविकतामा त्यो तीजका लागि बनाइएको गीत होइन। मलाई भिडियो हेरेर अलि अलि डर लागेको थियो, स्वीमिङपुल वाला क्लिपले अलि झस्काएको हो। कुरो त्यो होइन रहिछ, उजुरी हाल्नेहरूलाई रामजी खाँणको नाम चाहिएको रहेछ।”

खाँणको उक्त गीतमा स्वीमिङ पूल, आकर्षक दृश्य र केही बोल्ड संवादहरू समावेश गरिएका छन्, जसले कतिपय दर्शकको दृष्टिमा ‘तीज गीत’ सन्दर्भमा असहज महसुस गराएको छ ।