काठमडौं– इजरायलले शुक्रबार सबेरै इरानमा आक्रमण गरेको छ । इजरायलले इरानका विभिन्न शहर तथा आणविक केन्द्रलाई लक्षित गरी आक्रमण गरेको हो ।

इजरायलले यस आक्रमणलाई ‘अपरेशन राइजिङ लायन’ नाम दिएको छ । इजरायलले इरानको नटान्ज आणविक केन्द्रमा पनि आक्रमण गरेको छ । इजरायली आक्रमणपछि उक्त आणविक केन्द्रबाट कालो धुवाँको बाक्लो मुस्लो निस्केको देखिएको छ ।

सामाजिक सञ्जालमा सार्वजनिक भएका तस्बिर तथा भिडियोमा नटान्ज आणविक केन्द्रबाट कालो धुवाँको बाक्लो मुस्लो निस्किरहेको देखिन्छ । यद्यपि सो केन्द्रबाट रेडियोधर्मी पदार्थ चुहावट भए नभएको बारे स्पष्ट भइसकेको छैन ।

अन्तर्राष्ट्रिय आणविक ऊर्जा निकाय आईएईएले भने नटान्ज आणविक केन्द्रबाट कुनै किसिमको रेडियोधर्मी पदार्थ चुहावट नभएको बताएको छ ।