काठमाडौं – पिएसभी आइन्डहोभेनलाई एग्रिगेटमा ९-३ ले हराउँदै आर्सनल युरोपेली च्याम्पियन्स लिगको क्वार्टरफाइनलमा प्रवेश गरेको छ।
बुधबार भएको दोस्रो चरणको दोस्रो लेगमा २-२ गोलको बराबरी भएको हो। यसअघि पहिलो लेगमा आर्सनल ७-१ ले विजयी भएको थियो। आर्सनलले क्वार्टरफाइनलमा रियल म्याड्रिडसँग खेल्ने छ।
बुधबारको खेलको छैटौँ मिनेटमा अलेक्जेन्डर झिल्झेन्कोले आर्सनललाई अग्रता दिलाएका थिए।
इभान पर्सिकले १८ औँ मिनेटमा पिएसभीका लागि गोल गरे। ३७ औँ मिनेटमा डेकलन राइसले आर्सनललाई अग्रता दिलाए। काउहायब ड्रियोकले पिएसभीका लागि दोस्रो हाफमा गोल गरे।
प्रतिक्रिया